انيو يوروبون
اشتقت لكم وايد
ان شاء الله الكل يكون بخير
هالمرة حبيت اقدم لكم شي بسيط، ممكن تعتبروه كدعم بسيط لكل شاول
كلمات اغنية
“im with you”
دايماً تخليني افكر بشايني و هالاغنية بالذات لها مكانه خاصة بقلبي
و حسيت انه ادائهم عبارة عن رسالة لنا.. مشاعرهم كانت قوية واصواتهم كانت فيها نبرة من الحزن
لكن اللي كانو يبون يوصلوه لنا انهم مانسوا ولا لحظة جونغهيون، التجربة اللي مر فيها الجميع
سواء شايني و كأي شاول في هذا العالم ماكانت سهلة ابداً
كلنا نحاول نتغاظى عن أمور او نحاول ننسى اللي صار
لكن ليش ننسى ؟ جونغهيون اكيد موجود بقلوبنا دايما و ماننسى انه ترك لنا موروث كبير
سواء بأغانيه باسلوبه اللي مستحيل تلقون له مثيل
و مثل ما انا مرات اضعف واشتاق له لكن اتذكر ان شايني بعد يحتاجون وقفة كبيرة ندعمهم بمسيرتهم الياية
يمكن بعضكم مايعرف اساس هالاغنية لمين كانت قبل..جونغهيون كان يحب وايد فرقة كورية
اسمها ستانديغ ايغ ..ووحده من هالاغاني كانت نفس اغنية شايني لكن بالكوري
فعشان هالسبب شايني حبوا يأدونها بالياباني
و مب اول مرة انزلها مترجمة..سبق نزلتها من اربع سنوات تقريبا
اتمنى تنال اعجابكم
و قبل ما أختم حبيت انقل كلامي اللي كتبته في حسابي بالانستجرام 🙂
عشر سنوات مع شايني 💕
قضيناها بحلوها و مرها
كانوا و لازالوا مصدر لسعادتنا
كبرنا و عشنا و ياهم و نحن نشوفهم
يصعدون للقمة 💕
تعايشنا مع المصاعب اللي مروا فيها
وكانوا دايما يعطونا الأمل بالابتسامة اللي ماتفارق وجوهم ..
نحن محبين شايني اقدر اقول اننا
غير عن الكل، لانه سبب حبنا لهم
عبارة عن قصة طويلة في حياتنا
و ببساطة نعتبرهم عائلتنا الثانية
اللي ماتتجزأ ابدا من روتينا اليومي
يمكن كلماتي ماتكون عميقة
لكن بقلبي كلام وايد 💕
و رغم الالم الكبير اللي تركنا اياه جونغهيون الا نقدر نقول هالتجربة
خلتنا اكثر نفكر بمشاعر الاعضاء
بشكل اكبر
واكثر ما اتمناه حاليا هو سعادتهم
و اتمنى حبنا لهم ما يسبب
لهم اي عبء وأننا نكون بدعمنا البسيط خففنا عنهم الكثير💕
شكرًا لكل شاول لازالت حتى هاللحظة تدعم
شايني و لو بشكل معنوي💕
لمشاهدة الفيديو كامل
f4fansubs.com 
الله على كلامك الجميل كالعاده والمؤثر..
اصلا الي بيقول ننسا جونغ بيككذب على نفسه مع احترامي لان اي شاولز عرفتهم ولو من فتره بسيطه تتعلق فيهم الخمسه ويتركو فينا اثر جدددا عميق .. صعب ننسا او بالاصح مستحيل ننسا .. مستحيل للحظه ننسا حجم هذا الالم او يختفي لان الكل انصدم وانوجع بيه وبنفس الوقت مستحيل ننسا حجم وغمق محبتنا له.. لان جونغهيون كان ومازال ودايما بيكون رمز للبسمه ، رمز للكلمات الدافئه الي تشفي او تسكن اي قلب موجوع .. رمز للضحكه الحلوه .. كفايه انه ترك لنا ارث ثمين لازم دائما نحييه ونعتز فيه :
“كلمات دافئه تعلق بالقلب والذاكره ،ذكريات ولحظات جميله صنعها بكل حب مع شايني وشايني وورلد ،اغاني الا ماتحكي عن احساس احد فينا ودائما تلمسنا ،كل عمل جميل كان مع شايني ……الخ”
ان كان غايب عن عيوننا هو بيظل عايش بكل شي جميل تركه وعمله لنا والاهم عايش بقلوب شايني وروحه دائما حولهم .. وايضا عايش بقلوبنا وعقولنا للابد ..
…….
اما بالنسبه للاغنيه ماراح اطول بتعليقي لاني سبق وعلقت باليوتيوب ^_^
لكن يعطيكي العافيه هذا اكثر عرض للاغنيه مؤثر ومستحيل ننسا المشاعر فيه .. صح دائما شايني يغنو بكل مشاعرهم واحاسيسهم لدرجه نتأثر معاهم .. لكن هنا كان غير زياده على احساسهم ومشاعرهم وصدق دموعهم والرساله الي بيوصلوها لبعض واصواتهم الي يحاولو يوصلوها لجونغ جد صعب وصفها بااي كلمه .. مشاعرهم الي تغني وتنطق ودموعهم وعيونهم الي تعبر كل واحد تقدري تشوفي فيه كل المشاعر الي بيوصلها ..
يمكن اخر بارت لااونيو وهو يقول ” كيمي وه مو فتوري جاناي I’m with you “ ونظراته وعيونه ومشاعره الحقيقيه على شايني ولجونغهيون ،بجد صعب وصفه لانه اكبر من اي وصف..
من الاغاني اليابانيه المفضله عندي للابد لها مكانه خاصه ،،
يعطيكي الف عافيه على الترجمه مااقدر اتخيل احساسك وانتي تترجمي وتركزي بعملك مع كميه المشاعر الي بالاغنيه جد مجهود كبييير مااننحرم من اختياراتك الجميله ياغاليه .. واعذريني على الاطاله بس طبعي دائما اكتب بالتفاصيل ههههه