السلام عليكم حبايبي كيفكم؟ إن شاء الله بخير ؟

حبيت أحط ها الإعلان لأنو المدونة محتاجة لمدونين جدد للإنضمام لنا ..أو بالأحرى مثل ما إنتو عارفين

مشاغل الحياة اليومية + قربت الدراسة الجامعية + هاد هي السنة الأخيرة بالنسبة إلي بالجامعة ورح إتخرج واكيد رح يزيد إهتمامي بالدراسة أكثر من قبل ..فحبيت إفتح باب الانضمام إلى المدونة لأني صراحة مابدي المدونة ضيع و تتهاون بالاخبار وبدي أعمل فريق موثوق فيه و بيعتمد عليه لأنو مثل ما عم تشوفو مافي فريق لحد هلا إلا أنا ورفيقتي لي بننشر الاخبار ..أكيد لها الانضمام رح تكون شروط و ها المرة رح إحرص انها تتطبق قبل انضمام اي عضو لانو مليت من بعض البنات لي ينضمو بعدين مانشوف شي منهم و لما يحطو تعليق عن طلب الانضمام ولما حاكيهم وبقلهم اذا شروط المطلوبة متوفرة عندكم بجاوبوني وبقولو اي طبعا مشان هيك طلبنا الانضمام بس هاشي مارح يتكرر معي مرة ثانية لاني حاليا عم احضر لتوسيع المدونة ورح تكون شاملة و اكبر مرجع على ماهي عليه حاليا ..تمام خلونا نبدأ بالشروط على بركة الله ..

1.. اول شي و المهم.. للشخص لي بدو ينضم بكون ليه سابقية في التدوين يعني مابنطلب شي كبير بس على الاقل بيعرف طريقة كتابة  الخبر ونشرو واذا في اشياء بدو يتعلمها او يستفسر رح اساعدوا بفرح وسرور

2..الشخص لي بدو ينضم لازم بكون فاتح حساب على الوورد بريس مشان يقدر يدون ويدخل للمدونة

3..التمكن من اللغة الانجليزية وصحة لغته العربية و مافي مانع انو بكون يعرف لغة تانية المهم بكون قادر على توصيل الخبر مثل ماهو المهم المصداقية ..وبالنسبة لموضوع اللغة الانجليزية ( رح اعطي للشخص المنضم فقرة وبترجمها و بعد المعالجة رح شوف إمكانياتو وبعدين رح يكون قرار سواء بالقبول او الرفض) لانو صراحة تعبنا من بعض الناس لي بتنقل الترجمة من المتصفح جوجل .

4..رابع شي رح يكون مهم جدا خاصة بالنسبة إلي و هو السن..يعني رح إقبل بإنضمام الاشخاص لأعمارهم من 18 فما فوق ..لأنو بنحتاج ناس ليها جدية بالموضوع و بتحس بالمسؤولية ..لأنو في بنات صغار انضمو من قبل بس بعد اسبوع انسحبو وشو السبب؟؟ اكيد الاولياء ماسمحو إلهم بإستعمال النت بوقت الدراسة و اشياء ثانية فياريت نحتاج ناس كبار بتفكيرها و لي بتقدم شغل كلو جدية و نقدر نعتمد عليها لأنو رح نعمل مع بعض كفريق .

5..آخر شئ  الشخص المدون لو مانشر اي خبر كان لمدة اسبوع رح يتم حذفو للاسف

____________________

بعرف اني كتبت جريدة هههه بس كل هاشي للحرص

وبالاخير لي بحس حالو جدي و بيقدر مواصلة طريقو معنا يا اهلا وسهلا فيه ويقدر

يكتب رد هنا مع ايميله اللي يحب نتواصل معه

وهذا رابط مدونتنا

http://kdramastars1.wordpress.com/